Македонија | МОЛ Фехервар го промовираше Висар Муслиу за ново засилување, тој стана соиграч со Бобан Николов во унгарскиот клуб.

Амбициозниот клуб МОЛ Фехервар потпиша договор со македонскиот репрезентативец Висар Муслиу од Шкендија.

Претходно македонскиот клуб го потврди трансферот, а сега и МОЛ Фехервар ја објави информацијата за новото засилување.

„Среќен сум што дојдов во МОЛ Фехервар. Претходно собирав многу информации за тимот, Бобан Николов кој го познавам долги години од Вардар и од националните тимови, ми кажа одлични работи. Навистина ми се допаѓа градот и МОЛ Арената која ве остава без здив. Не можам да дочекам да почнам да играм“, вели Висар Муслиу.

Тој ќе го носи дресот со број 16.

Извор: 24FUDBAL.com.mk