Англија | Арсенал го потврди трансферот на Давид Луиз од Челси, Бразилецот е вториот дефанзивец кој потпиша за „топчиите“ денеска откако претходно беше купен Киран Тирни.

Во последниот ден од трансфер периодот во Англија, Арсенал донесе две засилувања за одбраната. Најпрво потпиша со Киран Тирни од Селтик, и го направи левиот бек најскапиот Шкот откако се сложи да плати 25 милиони фунти за неговите услови.

Вечерва стигна соопштение дека е ангажиран и Давид Луиз од Челси, се верува дека Бразилецот е купен за 7-8 милиони фунти. Дефанзивецот беше еден од неколкумината играчи кои го фатија последниот воз за трансфер и добија продолжен рок од 2 часа да се комплетира зделката.

Сега се чекаат само уште вестите за продажба на Алекс Ивоби на Евертон. Нигериецот треба да се пресели на Гудисон Парк за 35-40 милиони фунти.

Извор: 24FUDBAL.com.mk