Англија | Манчестер Сити денеска ги соопшти резултатите од деталните тестови по повредата на Лерој Сане, Германецот го оштетил предниот вкрстен лигамент на коленото и ќе мора на операција.

Нема фудбал за Лерој Сане до почетокот на следната година, а играчот веројатно ќе остане и без трансфер во Баерн Минхен. Германецот заработи повреда против Ливерпул во Комјунити Шилд, а деталните тестови донесоа лоши вести.

Манчестер Сити денеска пренесе дека играчот го оштетил предниот вкрстен лигамент на коленото и ќе мора на операција.

„Граѓаните“ најавија дека повеќе информации за рехабилитацијата ќе соопштат подоцна, но обично за санирање на ваква повреда се потребни најмалку шест месеци.

Извор: 24FUDBAL.com.mk