Англија | Манчестер Сити во голем стил ја започна одбраната на титулата, избраниците на Пеп Гвардиола триумфираа на гостувањето кај Вест Хем со убедливи 5-0.

„Граѓаните“ се подготвени да доминираат во Премиерлигата и оваа сезона, барем судејќи по дуелот со Вест Хем на стартот. Манчестер Сити лесно славеше на гостувањето во Лондон и го потопи противникот со 5-0.

Габриел Жесус го отвори резултатот во 25. минута, а квалитетот на тимот на Пеп Гвардиола дојде до израз во продолжението кога Стерлинг забележа хет-трик а Агуеро погоди од пенал.

Имаше и ВАР контроверзија, кога еден гол беше поништен поради тоа што Стерлинг со рамото неколку милиметри беше во офсајд.

Извор: 24FUDBAL.com.mk