Италија | 30 годишниот дефанзивец на пат за Рим, во Италија шпекулираат дека веќе ги договорил личните услови во преговорите со Рома, последниот збор го има Ливерпул, а од таму наводно има позитивни сигнало по тоа прашање.

Дефанзивецот на Ливерпул, Дејан Ловрен според информациите кои ги објави „Скај Спорт Италија“ веќе ги договорил личните услови со Рома во пресрет на трансферот кој треба да се реализира во периодот кој претстои, а истиот би ја чинел „Римската волчица“ 25 милиони евра.

„Скај Спорт Италија“ тврди дека Рома веќе постигнала договор со Хрватот, а наводно во Ливерпул постојат позитивни сигнали кои најавуваат дека тимот од „Енфилд“ нема да му стои на патот на фудбалерот во неговиот трансфер во Рим.

Информациите велат дека понудата на Рома е позајмица со опција да се откупи договорот на Ловрен за 25 милиони евра, а истата опција би се активирала доколку Хрватот одигра одреден број натпревари за Рома.

Извор: 24FUDBAL.com.mk