Една од најпосетуваните туристички дестинации на планетата отсега е достапна и за гледање преку GoogleMap на навистина интересен начин...



Google на својот официјален блог објави нова можност за разгледување на Венеција преку Google Street View технологијата. Сите оние кои се уште не го посетиле овој прекрасен "град на вода", а сакаат да бидат сигурни дека ќе им се исплати ако одат, ќе можат да ги видат романтичните канали и малите улици, совршената архитектура и сè останато да го погледнат прво преку Google Map, иако без сомнение нема да се покаете ако одите.

Проектот за претставување на Венеција преку Google Street View не бил едноставен, бидејќи класичното „снимање“ на теренот е со автомобил, а со оглед на специфичноста на Венеција тоа не било изводливо. Затоа Google почнал да користи „пешаци“, кои со „Трекери“ го обиколиле цел град и пловеле со гондоли низ шармантните канали.

Во прилог имате кратко видео, каде Google демонстрира како го изработиле целиот проект, а на вас останува да се префрлите на Google Maps и да тргнете на турнеја низ Венеција.

На овој линк можете да разгледате повеќе такви атрактивни дестинации од цел свет.