Компанијата и официјално соопшти дека најновите модели Samsung Galaxy S5, Samsung Gear 2, Gear 2 Neo и Gear Fit се подготвени за дистрибуција во 125 земји во светот...



Веста е објавена на официјалната страница на Samsung. Најголем интерес од овие уреди предизвикува паметниот телефон Samsung Galaxy S5, кој го има модерниот т.н. „Modern Flash“ дизајн, 5.1 инчен со full HD екран, достапен во јаглено црна боја, електрично сина, светло бела и бакарно златна.

Од другите новитети најголема атракција е сертификатот IP67 кој потврдува дека уредот е отпорен на прашина и вода, што го прави повеќе посакуван од оние со авантуристички дух, па го користат својот паметен телефон во поекстремни услови. Тука е и новата апликација S Health која има интегрирани функции за следење на индивидуалната кондиција и надзор на бројот на отчукувања на срцето, а новост е и посебната технологија скенирана со отисоците на прстите, која Samsung ја разви во соработка со PayPal.

„Префинетиот дизајн и технолошките иновации на Samsung Galaxy S5 и Gear уредите се резултат на тоа што потрошувачите го посакуваат и бараат во последните генерации на мобилната технологија“, изјавил ЏК Шин, претседателот на IT & Mobile Communications одделот во Samsung Electronics.