Авионите, автомобилите и бродовите во иднина би можеле да бидат заштитени со „паметна кожа“ во иднина, која ќе ги „чувствува“ оштетувањата и прегревањата исто како човечката кожа...



Британската компанија BAE Systems, која ја развива оваа технологија, планира да ја имплементира на воените авиони, додека може да се очекува и нејзина примена и на други превозни средства. Има вградено десетици илјади микро сензори со кои авионите ќе бидат обложени, а тие сензори ќе може да ја мерат брзината на ветрот, температурата и движењата, кои многу порано ќе можат да откријат проблеми со авионите.

Благодарение на оваа технологија компаниите ќе ги решаваат проблемите веднаш кога ќе се појават, односно и пред редовното одржување, што е причина за уште поголема сигурност. Сензорите како мали честички од прашина ќе имаат сопствени извори на напојување, а на авионите ќе може да се нанесуваат како боја.

Овие сензори ќе може да се користат како „паметна кожа“, која би можела да го „почувствува светот околу себе“, а ако се имплементира ваква технологија и на автомобилите, ќе дојде до револуција во сервисирањето, затоа што нема да се чека да поминат одреден број на години или километри за да се прегледуваат одредени делови на автомобилот. Оваа технологија ќе не известува веднаш штом се појават првите знаци на проблемите и на тој начин ќе се спречат сообраќајни несреќи и ќе се спасат голем број на човечки животи.