Најпопуларната комуникациска платформа, која брои 600 милиони активни корисници - WhatsApp, ја лансирала веб верзијата од својот сервис...



WhatsApp можете отсега да го користите преку https://web.whatsapp.com/, но вреди да се каже дека оваа поинаква перспектива функционира само ако имате Google Chrome и немате iOS уред. Причината зошто сервисот не работи со iOS, е лимитирањето на платформата на Apple.

Процесот на спојување на веб со мобилна апликација е многу едноставен, прво треба да ја посетите страницата web.whatsapp.com, а потоа ќе ви се појави QR код, кој го скенирате со WhatsApp апликацијата. Од компанијата ве предупредуваат да ја ажурирате апликацијата на последната верзија за да можете да ги споите вебот и мобилната апликација.

Сите пораки ќе ви останат и понатаму на вашиот мобилен, кој ќе биде примарен уред, а веб е „продолжена рака“ на мобилната платформа, наведуваат од компанијата.