Dell го претставила новиот монитор од UltraSharp серијата, кој освен панорамски закривен екран, поседува и WQHD резолуција и 21:9 формат на слика...



Моделот U3415W е добитник и на CES награда за иновација. Закривениот екран со дијагонала од 34 инчи, овозможува широко видно поле, кое ги активира примарните и периферните области на видот, го зголемува аголот на гледање и удобност при користење на уредот од рамномерна оддалеченост.

Тоа значи дека корисникот помалку ги движи очите во споредба со работата со рамен монитор, благодарение на закривениот екран. Dell UltraSharp U3415W ја олеснува и работата на апликации со два различни компјутера истовремено, благодарение на технологијата „слика во слика“, како и удобната работа, користејќи само една тастатура и глувче за управување со содржина. Од ергономските опции, мониторот овозможува стандардно подесување на нагибот на екранот, како и тилт(вертикално подесување на аголот на нагибот) и swivel (подесување на хоризонталниот агол) опцијата за ротација на основите. Затоа мониторот лесно се прилагодува кон потребите и навиките на корисниците.