Неодамна од Sony најавија дека постои можност во иднина да се откажат од развој на мобилни уреди и да се фокусираат само кон профитабилни дивизии, односно конзоли за игри и сензори за камери...



До таа евентуална одлука за напуштање на мобилниот пазар, Sony ќе продолжи и понатаму со претставување на новите модели на паметни телефони и таблети, а еден од тие нови уреди, кои се подготвуваат е наследникот Z3 таблетот.

Според информациите објавени на блогот на Xperia, оваа компанија на 3 март на Mobile World Congress, ќе и го претстави Xperia Z4 таблетот, кој би требало да има одличен 2k екран, со дијагонала од околу 10 инчи, ултра брз процесор и моќна батерија.

Се очекува исто така новиот таблет да биде многу тенок, а со дизајнот нема да се разликува многу од својот претходник.

Освен овој таблет, обожавателите на Sony наскоро го очекуваат претставувањето на новиот модел на паметен телефон од Xperia Z серијата (Xperia Z4), но тоа не треба да го очекуваме на новиот MWC, каде најголемото внимание ќе биде насочено кон HTC и Samsung, односно, нивните паметни телефони One M9 и Galaxy S6.