Како што и претходно беше најавено, Sony на Mobile World Congress го претстави својот нов модел на таблет од Xperia серијата и многу технолошки новинари веруваат дека најголем конкурент на Apple и втората генерација на нивниот iPad Air модел...



На страницата на Digital Trends велат дека Xperia Z4 Таблетот е „дизајниран да биде најдобар во својата класа во сите сегменти“ - од екран до хардвер и траење на батеријата. Уредот доаѓа со екран од 10,1 инчи, резолуција од 2,560 x 1,660 пиксели, работи на 8-јадрен Snapdragon 810 процесор, има 3GB меморија и 32GB простор за податоци, а на одредени модели и поддршка за LTE.



Од компанијата се фалат дека ова е најлесниот и најтенкиот модел на светот, кој функционира со Android (тенок е 6,1mm – значи, исто како iPad Air 2). Акцентот го ставаат на неговата идеална употребливост за отворено, бидејќи станува збор за водоотпорен модел, отпорен на прашина и удари, односно падови. Идеален таблет за оние што сакаат батеријата да потрае, бидејќи Xperia Z4 може да издржи 17 часа работа со едно полнење. Останатите опции на овој уред вклучува одлична задна камера со резолуција од 13MP, предна камера од 5MP камера за видео разговори и за селфи, последната верзија на Android од Google (5.0 Lollipop), а треба да се потенцира и можноста за негово поврзување со надворешна Bluetooth тастатура, со што таблетот на Sony се претвара во преносен компјутер. Xperia Z4 Таблетот на глобално ниво ќе се појави во пролетта, но, точниот датум, како и неговата цена, се уште не се познати.  Кликнете на овој линк за да ја погледнете неверојатнат реклама за таблетот.