Со долгите денови доаѓа и времето за печење скара, затоа мислиме дека оваа скара ќе ве заинтересира...



Проектот GoSun Grill стана многу популарен на Kickstarter, бидејќи 35 пред истекот ја надмина проектираната сума од 140 илјади американски долари. Ако сте од оние љубители што сакаат да си печат скара во дворот, или во природа, тогаш оваа скара е вистинското решение за вас. Ова не е класична скара, туку хибрид помеѓу скара и печка, со оглед на тоа што GoSun Grill може да ги подготвува и останатите јадења.

Оваа скара ја користи сончевата енергија и затоа е исплатлива и еколошки прифатлива. Не ви треба оган, јаглен, плин, или било каков материјал за потпалување, туку само сончева светлина. Два часа изложеност на сончева енергија ќе ви обезбеди доволно топлина за печење и готвење. Уште една предност е тоа што може ноќе да ви обезбедува топлина, доколку го наполните преку дента. Надворешното куќиште е ладно, затоа слободно може да печете скара со GoSun Grill без страв од изгореници.

Конечната цена на GoSun Grill скарата уште не е дефинирана, но ако вложите од 349 до 599 долари на Kickstarter, тогаш ќе го добиете овој примерок.