Компанијата Google ја лансира својата програма за самостојни автомобили со компанијата Google Auto LLC...



Иако Google веќе со години работи на проектот за возила со авто-пилот, а од неодамна ги тестира и прототиповите на сопствениот роботизиран автомобил, јавноста не знаела дека овој ИТ гигант основал авто-компанија. Подружницата на компанијата Google е формирана во 2011 година, кога Google ги заменил своите самовозечки Priuses со Lexus SUV автомобили, открива The Guardian.

Google Auto е официјален производител на 23 самостојни Lexus автомобили, вклучувајќи го и оној што е вклучен во неодамнешни инциденти на патиштата. Со покренување на комплетниот проект од самостојни автомобили, Google веројатно сакал да се заштити од ризик и плаќање на оштета, доколку роботизираните автомобили предизвикаат сообраќајна несреќа за време на возењето по јавите патишта. Доколку бидат поднесени тужби, во секој случај одговорноста ја презема компанијата Google Auto, а имотот на Google би бил заштитен.

Google во јуни започна со тестирањето на сопствениот автомобил со авто-пилот, двосед со големина на Smart моделот, погон со задните тркала и електромотор со моќност од 20-30 kWh.