Пред 1 недела се укина роамингот во земјите членки на ЕУ. Така министрите задолжени за телекомуникации од Македонија, Србија, Босна и Херцеговина и Црна Гора, склучија договор да испратат писмо до Европската комисија за укинување на роамингот.
Со писмото се бара одлуката за укинување на роамингот во земјите од Европската Унија да се прошири и за тие четири држави. Српскиот министер вели дека овој договор меѓу четирите држави се постигнал телефонски „буквално за пет минути“.
„Имавме покренато слична иницијатива пред две години, но тогаш не беше прифатена. Не треба да создаваме преголеми очекувања, но сметаме дека како земји во процес на придружување и нашите граѓани би требало да имаат бенефит кој го користат и граѓаните на ЕУ. Освен тоа, оваа одлука важи и за земји кои не се нејзини членки како Норвешка, Исланд и Лихтенштајн“, изјавил српскиот министер за трговија, туризам и телекомуникации, Расим Љајиќ.
