Aко досега не сте направиле меки и неодоливи лепчиња...
... пробајте го овој рецепт, одлични се за појадок или вечера.
- 500-600 гр. брашно
- 3 јајца
- 200 мл. јогурт
- 50 мл. масло
- 20 гр. квасец
- 200 гр. сирење
- 1 лажичка шеќер
- малку сол
Квасецот треба да се размати во млака вода, додадете лажичка шеќер, масло, јогурт, две јајца и разматете со жица. Додадете брашно и сол, па замесете го тестото. Оставете го да стои 30 минути додека не се зголеми и развијте го во правоаголник. Здробете го сирењето и додадете ја жолчката.
Сечете го тестото на квадрати па во средина додадете лажица сирење. Преклопете го на сите четири страни и притиснете го и свртете го надоле и на крај наредете го во подмачкана тепсија. Покријте го да порасне, намачкајте го со масло и печете го на 190 степени C околу 30 минути.
