Во времето кога природата полека се спрема за зимски сон, едно овошје влегува во својата сезона....

Сега е вистинското време за берба на мушмулата, исклучително лековито овошје, полно со витамин Ц, кое го подигнува имунитетот и штити од сезонски вирози.

Ликер од мушмули може да си направите вака: земете 60 зрели мушмули, 500 милилитри ракија и 25 грами шеќер. Убаво измијте ги мушмулите, исушете ги и ставете ги во поголема стерилизирана тегла. Ракијата и шеќерот ставете ги во сад на средна температура и полека загревајте ги се додека шеќерот не се стопи. Прелијте ги над мушмулите и затворете ја теглата. Нека стојат минимално три дена на мрачно место, а потоа исцедете го ова и ставете во шише за да пиете.